Khul tang măt ăn Anih tơm jang hơlen tơdrong yoch lơ̆m tơpôl Việt Nam năm tơmang păng pơm jang tơ̆ Trung Quốc
Thứ tư, 08:41, 19/02/2025
Lan chih tơblơ̆
Lan chih tơblơ̆
VOV4.Bahnar – Sơng iŏk nơ̆r hơvơn đơ̆ng Kơdră Anih tơm jang hơlen tơdrong yoch teh đak Trung Quốc Ưng Dũng (Ying Yong), Khul tang măt ăn Anih tơm jang hơlen tơdrong yoch lơ̆m tơpôl Việt Nam kơyuơ Kơdră Anih tơm jang hơlen tơdrong yoch lơ̆m tơpôl Nguyễn Huy Tiến pơm Kơdră Khul hlôi năm tơmang păng pơm jang tơ̆ Bắc Kinh, Trung Quốc đơ̆ng năr 17-18/2/2025.
Lơ̆m 'măng năm tơmang, ƀok Nguyễn Huy Tiến păng khul kơpal hlôi truh hmach kơ ƀok Trần Văn Thanh (Chen Wenqing), Ƀĭ thư Anih jang Chĭn phap Trung ương Đảng Cộng sản Trung Quốc; pơma đam hăm ƀok Ưng Dũng, Kơdră Anih tơm jang hơlen tơdrong yoch teh đak Trung Quốc; pơma đam hăm ƀok Trương Quân (Zhang Jun), Kơdră Anih tơm sek tơlang tơdrong yoch tơpôl teh đak Trung Quốc.
Pơma ah 'măng pơma dơnuh hăm ƀok Ưng Dũng, Kơdră Anih tơm sek tơlang tơdrong yoch tơpôl teh đakTrung Quốc, ƀok Nguyễn Huy Tiến hơpơi 'meh, 'măng năm tơmang mă âu jĭ gru kơnăl kăp gĭt tơbang hơdah tơdrong hơtŏk tơ-iung đunh đai, kơjăp lơ̆m jang tơbôl păng tơjră tơdrong pơm glăi đơ̆ng Anih tơm sek tơlang tơdrong yoch tơpôl kơ 2 teh đak.
Viết bình luận