Lơ̆m tơdrong kŭp yom grasia, khul tang măt jang "Hơvơn kon pơlei hơgei" kơ Khul linh tơchơ̆t hăm Ƀok pơtoi pơm jang đei jơnei tơdrong hơvơn kon pơlei đơ̆ng Khul linh tơ̆ tơring kon kông păng groi kông; pơih să dôm tơdrong jang "Hơvơn kon pơlei hơgei"; keh đang tơnăp sơnong jang kơ khul linh lơ̆m chăl sơnăm 'nao, anglo sơnăm hơtŏk tơ-iung kơ hơdrung hơdrĕch.

Dôm sơnăm kơ âu, tơdrong jang hơvơn kon pơlei đơ̆ng Khul linh tơ̆ tơring kon kông păng groi kông đei dôm anih jang kơ khul linh tơlĕch jang tôm tong, pơlan să jơhngơ̆m pran. Kang ƀô̆, khul linh ưh pơngơ̆t hăm tơnap tap, năm truh tơring pơm jang tơdrong "4 atŭm" (atŭm sŏng xa, atŭm oei, atŭm jang, atŭm pơma nơ̆r kon pơlei), jang atŭm kơjăp hăm jơnŭm pơgơ̆r tơring, hơvơn kon pơlei vang jang tơnăp vă hơtŏk mŭk drăm – tơpôl, pơjing anih jang chĭnh trĭ tơ̆ tơring kơjăp kơtang... Lơ tơdrong jang 'lơ̆ng, đei jơnei, kăp gĭt hăm chĭnh trĭ - tơpôl, pơjing anih jang chĭnh trĭ kơjăp kơtang... Lơ tơdrong jang hơgei 'lơ̆ng kăp gĭt hlôi răk 'măn lơ tơdrong 'lơ̆ng gah Ƀô̆ đô̆i Ƀok Hô lơ̆m đon bơnôh kon pơlei. Ah lêh tơbang, Kuân uy Trung ương, Anih tơm pơgơ̆r khul linh vei lăng teh đak pôk hơpah hăm 35 anih jang păng 80 'nu bơngai jang "Hơvơn kon pơlei hơgei" kơ Khul linh tơ̆ tơring kon kông păng groi kông jăl sơnăm 2019-2024.