Hơlen IC ICTAS ‘noh grŭp jang ‘lơ̆ng, joăt jang lơ̆m ming man lơ hơnih cham gre păr apŭng plĕnh teh, Kơ iĕng Thủ tướng Trần Hồng Hà tơbăt, Khul kơdră teh đak, Thủ tướng Teh đak lăng ba kơ jăp, hơnơ̆ng dăr lăng, pơrô̆ iung jang, đei ‘măng hop akŏm pơrô̆ athei hơdăh vă atŏk kơtang iung jang tĕnh koăng, hrôih keh đang Ming man Cham gre păr apŭng plĕnh teh Long Thành. Kơ iĕng Thủ tướng ‘meh vă IC ICTAS hơnơ̆ng bơ̆ jang hăm rim păh pơtruh ăn kmăi kmŏk vă băt hơdăh khei ‘năr jang keh đang Hnam cham gre păr Long Thành kơjăp ‘lơ̆ng, jơnei kơtang. Bơnê kơ Kơ iĕng Thủ tướng ‘măn jơ ‘năr sơng pơma dơnuh, ƀok Reha Denemec sơkơ̆t hơdăh, hơnih jang gô kơrŭn đĭ ai, tơchă trong jang kih thuơ̆t, ming man ‘lơ̆ng ... vă ming man keh đang hrôih; adoi ‘meh vă iung jan hloi rim hơnih bơ̆jang kmăi kmŏk kơ cham gre păr apŭng plĕnh teh Long Thành.