Hăm hơnăn “Pơtrŭt hơtŏ băl drŏ nglo hăm drŏ kăn păng hơtŏk hơnăp jang đơ̆ng kang ƀô̆, bơngai jang lơ̆m khŭl, drŏ kăn lơ̆m hơtŏk tơiung mŭk drăm - tơpôl lơ̆m dêh char Đắk Lắk”, hop akŏm pơgơ̆r tơpăt, hơiă. Dôm tơdrong ƀơm truh trong jang tơgŭm vă pơtrŭt, tơgŭm drŏ kăn pơjing tơdrong jang sa hơtŏk tơiung mŭk drăm; pơjing tơring tơrang ‘nao, hơtŏ băl drŏ nglo hăm drŏ kăn; vei sơđơ̆ng tơdrong hơrih sa tơpôl ăn kơ drŏ kăn; tơdrong jang kang ƀô̆ hăm drŏ kăn; trong jang vei sơđơ̆ng ăn drŏ kăn păng hơioh.... đei bơngai tang măt bơngơ̆t truh tơlĕch nơ̆r apĭnh.

Tang măt dôm anih jang ƀơm truh hlôi pơma dơnuh, tơroi băl, tơl tơblang kơtă. Yă H Yim Kđoh, Phŏ Kơdră Anih vei lăng kon pơlei dêh char hơlen lăng, dôm tơdrong bơngai tang măt tơroi đei tơpă, tơƀôh tơdrong bơngơ̆t truh đơ̆ng drŏ kăn hăm dôm tơdrong jang đơ̆ng tơdrong hơrih sa, chĭnh trĭ, tơpôl. Kiơ̆ đơ̆ng noh, sơkơ̆t hơdăh anih dơ̆ng, hơnăp jang đơ̆ng drŏ kăn lơ̆m dôm tơdrong jang.