Tang măt ăn Kơdră chĕp pơgơ̆r Đảng, teh đak păng Hơnih chĕp pơgơ̆r Kuô̆k hô̆i, Kơdră chĕp pơgơ̆r Kuô̆k hô̆i Trần Thanh Mẫn pơma tơbăt jơhngơ̆m đon hmach bơnê ăn rim ƀô̆ đô̆i so, dôm bơngai đei iŏk yua ăn teh đak păng pơma hơdăh, Trung đoàn 271, Quân khu Trị Thiên tơgop pơjing đei tơdrong jơnei nuih mơng pran kơtang kơ ƀô̆ đô̆i bơ̆n, hơdrĕch hơdrung bơ̆n, teh đak bơ̆n. Lơ̆m khei năr kơnh, Kơdră chĕp pơgơ̆r Kuô̆k hô̆i Trần Thanh Mẫn ‘meh vă, ƀô̆ đô̆i so, dôm bơngai đei iŏk yua ăn teh đak Trung đoàn 271 Quân khu Trị Thiên hơnơ̆ng kiơ̆ yok rok jơ̆ng joăt joe iung tơjră, pơm rơngei hơdrech hơdrung lơ̆m tơdrong jang tơ iung pơjing teh đak hrei ou; adoi pơtho tơbăt tơdrong joăt joe Ƀô̆ đô̆i Ƀok Hô hăm jơhngơ̆m đon ‘lơ̆ng “Mĭnh nơ̆r ƀơ̆r đon hăm teh đak, hăm Đảng, hăm kon pơlei”, pơtho khan ăn jơhnơr mơlôh găh tơdrong nuih mơng, ưh kơ hli mơmat tat, kiơ̆ yok rok jơ̆ng tơdrong joăt joe kơ Trung đoàn 271 Quân khu Trị Thiên pơma hơdrô̆ păng Ƀô̆ đô̆i Ƀok Hô pơma atŭm.