Kơdră chĕp pơgơ̆r teh đak Lương Cường hôn bơnê kơtang kơ tơring, mă đơ̆ng oei tơnap tap tôch kơ dêh, mă lei khul kơdră chĕp pơgơ̆r đảng, kơdră chĕp pơgơ̆r tơring, ƀô̆ đô̆i kŏng ang păng kon pơlei dêh char Lai Châu hlôi tơgoăt tơgoăl kơjăp, hơdrin, kơrŭn đĭ ai yak hloh tơnap tap, tơdrong long, jang keh đang ‘lơ̆ng rim trong tơlĕch jang, trong tơlĕch ăn atŏk tơ iung mŭk drăm, jŏh ayŏ, tơpôl. Tơdrong hơrih sa kơ kon pơlei hlôi đei tơplih hơdăh; vei lăng sơđơ̆ng teh đak, sơđơ̆ng tơring, jang tơbôl đei hơmet pơ ‘lơ̆ng. Kơdră chĕp pơgơ̆r Teh đak athei khul kơdră đảng, kơdră chĕp pơgơ̆r tơring, rim hơnih jang, rim khul ƀô̆ đô̆i kŏng ang dêh char Lai Châu kăl akŏm chĕp pơgơ̆r, pơrô̆ jang, tơlĕch jang kiơ̆ kơjăp trong bơ̆ jang đơ̆ng Đảng, Khôi luơ̆t Teh đak; hơnơ̆ng vei kơjăp, kiơ̆ yok rok jơ̆ng tơdrong joăt joe ‘mêm kơ eng teh đak, nuih mơng, pran kơtang, jang sa pơnap, đei jơhngơ̆m đon tơgoăt tơgoăl tơgum djru dih băl, phăl hơlăng hăm tơmoi đơ̆ng khul ƀô̆ đô̆i kŏng ang păng kon pơlei Lai Châu; kiơ̆ yok jơhngơ̆m pran tơgoăt tơgoăl hơdrĕch hơdrung, pơm hơtŏk jơhngơ̆m đon hơpơi ‘meh vă tơ iung pơjing pơlei pơla pơdrŏng ‘lơ̆ng liĕm, jang kiơ̆ keh đang rim tơdrong jang kĕch mang, pơm hơtŏk hơrih sa ‘lơ̆ng hơ iă kơ kon pơlei hăm trong “Pơđĭ lơ̆m teh đak vang iung jang kơ yuơ bơngai dơnuh, ưh kơ lê̆ bơngai bu hơchăng hŭt tơ̆ rŏng” păng Tơdrong jang pơting dih băl “Xut xa hnam pơgia, hnam hnăt hnot” kiơ̆ ƀlep trong pơrô̆ jang đơ̆ng Khul kơdră Teh đak păng Thủ tướng Teh đak.