Tang măt ăn Đảng uy Kuôk hô̆i, Anih jang Kuôk hô̆i, Kơdră Kuôk hô̆i pôk bơnê kơ rim bơngai tang măt ăn Kuôk hô̆i păng kang ƀô̆ drăkăn kơ dôm anih jang Kuôk hô̆i. Kơdră Kuôk hô̆i Trần Thanh Mẫn ră hơdah, Đảng hlôi đei lơ tơchơ̆t noh athei tơrĕk truh kang ƀô̆ drăkăn gah đon bơnôh păng tơdrong hơrih, pơm trong hiôk ăn drăkăn gơh chă plang tơdrong hơgei, hŏk hơlen, vang jang dôm tơdrong jang tơpôl. Kơyuơ noh, tơdrong tơgŭm đe drăkăn ưh hơdrô̆ lơ̆m dôm năr  8/3 dah mă năr 20/10 mă athei tơrĕk hơnơ̆ng.

Kơdră Kuôk hô̆i Trần Thanh Mẫn tơrĕk hăm Anih jang tang măt lơ̆m jăl jang Kuôk hô̆i mă 15, Anih jang vei lăng kon pơlei dôm jăl 2026-2031 athei pơm kiơ̆ trŏ dôm tơchơ̆t đơ̆ng Đảng gah kơsô̆ drăkăn jang tang măt ăn Kuôk hô̆i, vang jang tang măt lơ̆m Hô̆i đŏng kon pơlei dôm jăl jang, kơsô̆ drăkăn vang jang lơ̆m jơnŭm pơgơ̆r tơ̆ dôm anih jang kơ Kuôk hô̆i.