Tơ̆ Hop akŏm, dôm bơngai tang măt hlôi mơ̆ng nơ̆r tơgop pơma dơnuh ƀơm truh Tơdrong tơchơ̆t bơ̆jang đơ̆ng Khŭl chĕp kơ̆l pơgơ̆r Đảng bộ Quốc hội, jăl jang 2020 – 2025; tơdrong klăih song hơnăp jang hơdăh hăm dôm Bơngai jang lơ̆m Khŭl chĕp kơ̆l, Bơngai jang lơ̆m Khŭl pơgơ̆r; tơdrong pơjing dôm anih joăt jang tơgŭm tơdrong jang kơ Anih jang Đảng păng Yơ̆r ti pơdrơ̆ng kiơ̆ Tơdrong tơchơ̆t Hop akŏm ‘măng mă mônh Khŭl chĕp kơ̆l pơgơ̆r Đảng bộ Quốc hội. Pơma pơtôch hop akŏm, Kơdră Quốc hội Trần Thanh Mẫn pơma hơdăh dôm đảng viên kăl tơroi bơngai jang ‘lơ̆ng, tơnăp, kơtang, hơdrin hăm tơdrong jang hơdăh mă đei tơmam; hơdai hăm athei hơnơ̆ng tŭn pran tơdrong jang tang găn sa pơgơ̆m pơjĭp, ưh kơ ‘lơ̆ng, brăh brư, hơtŏk ‘lơ̆ng đei yua tơdrong jang hơlen lăng, dăr lăng lơ̆m Quốc hội. 

Hơmet ăn đĭ đăng dôm tơdrong hiôk ăn Hop akŏm Đảng bộ rim tơring lơ̆m Đảng bộ Quốc hội, vă yak truh Hop akŏm ‘măng mă XIV kơ Đảng. Găh chĕp kơ̆l bơ̆jang kiơ̆ ‘lơ̆ng hơnăp jang chĭnh trĭ, Kơdră Quốc hội athei hơnơ̆ng akŏm chĕp kơ̆l, pơgơ̆r bơ̆jang kiơ̆ đei yua pơjing, jang pơkeh khôi luơ̆t sơnăm 2025 păng athei đơ̆ng Tổng bí thư Tô Lâm găh tơplih ‘nao đon tơchĕng pơjing khôi luơ̆t, lăng ‘nâu jĭ 1 trong jang ‘lơ̆ng lơ̆m jang pơkeh trong jang sơnăm 2025, pơm tơdrong ‘lơ̆ng ăn Quốc hội jăl XVI, jăl jang 2026-2031.