Pơma tơ̆ jơ hop akŏm, Kơdră Quốc hội Trần Thanh Mẫn pơma hơdăh, ‘nâu jĭ ‘măng hop akŏm ‘măng mă 2, Khŭl chĕp kơ̆l pơgơ̆r Anih jang Đảng Quốc hội ăn tơgop nơ̆r găh 2 tơdrong tơm ‘nâu. Kiơ̆ kơ ‘noh, dôm tơdrong tơm, hlôi đei pơm rơđăh mă đei hơlen lăng, tơƀôh hơdăh yan âu ‘noh gô akŏm tơmơ̆t lơ̆m hla ar chih ming. Kơdră Quốc hội roi tơbăt, kiơ̆ athei đơ̆ng Anih tơm Chĭnh trĭ, hơgăt năr gơih ăn kơ Anih jang Trung ương tôch kơ hăt, tơtĕnh vă roi tơbăt kơ Anih tơm Chĭnh trĭ ăn tơgop nơ̆r pơgơ̆r hơdrol kơ pơtruh ăn Hop akŏm Trung ương 11 tơchĕng hơdrol lơ̆m blŭng khei 4/2025.

Mă loi ‘noh, tơdrong tơm tơdrong jang tôch kơ kăl, tơdrong jang ‘noh tôch kơ tih, ƀơm truh hơnăp jang đơ̆ng lơ anih jang, khŭl jang tơklep hăm trong jang pơm tŏ sĕt bơngai jang, proh hơmet khŭl jang kơ anih jang chĭnh trĭ.