Pơma dơ̆ng nơ̆r pơtho đơ̆ng Ƀok Hô, “Ƀok thây pơgang nhen thoi bơngai mĕ iâm” Kơdră Quốc hội hơpơi ‘mĕh đe y, ƀak si athei gơ̆h hơgei, đei jơhngâm đon, ‘mêm kơ bơnagi jĭ nhen thoi ‘nhŏng oh kơdih; atŭm hăm ‘nŏh hơnơ̆ng hơtŏk đon rơgei mưh bơ̆jang păng hok pơhrăm mă ‘lơ̆ng lơ̆m teh đak păng tơ̆teh đak đe.

Kiơ̆ Kơdră Quốc hội, athei tưk tơiung mă pran hlŏh dơ̆ng tơ̆ hơnăp kơnh, Hnam pơgang Hữu nghị jang hơdoi mă kơjăp hăm dôm hnam pơgang nai. Găh noh dơ̆ng, đe ƀak si, ƀok thây pơgang, bơngai jang pơgang, kăn ƀô̆, bơngai jang tơ̆ hnam pơgang mât 1 ƀơ̆r đon vă jang đei rim tơdrong lơ̆m sơnăm 2025 ‘lơ̆ng ƀiơ̆ kơ sơnăm 2024.