Pơma tơ̆ hop akŏm, Kơdră teh đak Lương Cường pôk pơ ư, tơchĕng ‘lơ̆ng tơdrong hơmet rim tơdrong vă dăr hơlen, tơƀôh hơdăh đon jang tơnăp đơ̆ng Khul kơdră chĕp kơ̆l Đảng dêh char Hưng Yên. Kơdră teh đak athei Khul kơdră chĕp kơ̆l Đảng dêh char Hưng Yên jăh chih pơkĕh hla ar hơlen năng kơdih kŭm hăm dôm hla ar đei ƀơm truh, gơih ăn Anih tơm Chinh trĭ păng Khul dăr hơlen; jang hơdoi mă kơjăp, tơtom, pơjing tơdrong hiôk hian ăn khul dăr hơlen jang đang ‘lơ̆ng tơdrong đei pơjao. 

Pơtho ăn dôm anih jang đảng, đảng viên găh Đảng ƀô̆ chih hơmet hla ar tơroi kiơ̆ nơ̆r pơtho, chih tơroi mă tôm, tơpăt ‘lơ̆ng, đei kơsô̆ mă hơdăh; adrin jang hơdoi hăm Khul dăr hơlen mưh chă hơlen năng, pơm hơdăh, kăl loi dôm hla ar chih athei ‘moi kiơ̆ rim tơdrong đei tơ̆ yăn âu, tơroi mă trŏ rim tơdrong vă pơgơ̆r hơlen năng, rôi tơƀôh dôm tơdrong hlôi jang đei, trong jang hơiă, rơgei; dôm tơdrong tam mă pran ‘lơ̆ng păng tơlĕch trong hơmet ming tơ̆ hơnăp kơnh.