Ƀok Kơdră teh đak Lương Cường pơma hơdăh ‘măng năm ngôi đơ̆ng Kơdră tơm Robert Dussey păng khŭl tang măt Togo đei tơdrong ‘lơ̆ng hơiă gĭt kăl, tơgop pơtrŭt hloh dơ̆ng pơvei tơbôl păng jang tơdai lơ tơdrong đơ̆ng 2 teh đak, mă loi ‘noh jĭ lơ̆m khei ‘năr Việt Nam păng Togo tŏk bŏk yak truh tơbăt 50 sơnăm năr pơjing tơdrong pơvei jang tơbôl (08/02/1975 - 08/02/2025).

Găh jang hơdai choh jang sa, hăm tơdrong hlôh vao tơlĕch jang lơ tơdrong jang hơdai choh jang sa 3 pang jơnei tơ̆ châu Phi, lơ̆m noh đei Togo păng lơ̆m hơnăp jang jing 1 lơ̆m dôm teh đak tĕch tơlĕch tơ̆ teh đak đe tơmam đơ̆ng choh jang sa lơ hloh apŭng plĕnh teh, Ƀok Kơdră teh đak roi tơbăt, Việt Nam khŏm jang hơdai tơlĕch jang dôm tơdrong jang hơdai găh tơroi băl tơdrong hlôh vao, pơjao kơmăy kơmŏk, pơtruh bơngai joăt jang lơ̆m tơdrong jang choh jang sa.