Kơdră teh đak Lương Cường tơƀôh đon hơiă păng bơnê kơ đe kăn ƀô̆, linh Ƀô đô̆i vei lăng tơring sơlam hlôi jang kơjăp hăm anih jang đảng, khul kơdră tơring, dôm anih jang, khul grŭp vang hơmet Têt ăn kon pơlei tơ̆ tơring sơlam; tơƀôh hơdăh đon jang tơnăp păng jơhngâm đon ‘lơ̆ng đơ̆ng Khul linh kon pơlei Việt Nam kơtang nuih mơng.

Kơdră teh đak Lương Cường athei anih jang đảng, khul kơdră pơgơ̆r jơ̆p tơring akŏm jơhngâm bơ̆ jang đang ‘lơ̆ng rim tơdrong jang lơ̆m sơnăm 2025 iŏk đơ̆ng blŭng sơnăm hloi. Lơ̆m noh, ƀô đô̆i vei lăng tơring sơlam vang jang hơdoi, vei lăng kơjăp ‘lơ̆ng tơring teh, vei lăng ‘lơ̆ng tơdrong sơđơ̆ng tơ̆ tơring sơlam teh đak. Ƀlep ƀât ‘măng mă âu, Kơdră teh đak Lương Cường pơjao 200 tŏ Hnam tơnŏ ‘lơ̆ng tơ̆ tơring sơlam đei kơjă 10 ti hlak jên ăn kon pơlei tơ̆ tơring sơlam kơ dêh char Lai Châu păng hơpăh 11 tơpu tơmam ăn dôm unh hnam đei kŏng.