Tang măt ăn đe kơdră Đảng păng Teh đak, ƀok Kơdră teh đak bơ̆n Lương Cường kăp gĭt pơjao mê đau 65 sơnăm jang Đảng păng thơ thou hơ-iă hăm Ƀok Kơdră teh đak bơ̆n Trần Đức Lương; atŭm hăm 'noh ră hơdah, âu jĭ tơmam hơpah kăp gĭt đơ̆ng Đảng, sơkơ̆t tơdrong plang păng dôm tơdrong tơgop tih tên đơ̆ng ƀok Trần Đức Lương hăm tơdrong jang kăch mang kơ Đảng păng kon pơlei bơ̆n.

65 sơnăm jang Đảng, mă hăm kơchư̆k jang mă yơ, ƀok Trần Đức Lương ling lang yuk hơlou lơ̆m rim tơdrong jang kơ bơngai đảng viên, tơguăt kơjăp hăm Đảng hăm teh đak, dăp đon dăp bơnôh hăm tơdrong jang kăch mang kơ Đảng, kơ kon pơlei, keh đang dôm tơdrong jang tơm đei pơjao, tơgăl hăm đon lui đơ̆ng Đảng, Teh đak păng kon pơlei. Kơdră teh đak thơ thou hăm ƀok Trần Đức Lương atŭm hăm unh hnam grăng pran, jơnap, hơrih sot, pŭn ai lơ̆m tơdrong hơrih; hơpơi 'meh ƀok pơtoi tơgop lơ hloh dơ̆ng ăn tơdrong jang kăch mang kơ Đảng, Teh đak păng kon pơlei.