Pơma tơ̆ jơ tơƀơ̆p muh măt, Kơdră teh đak tơroi rơđăh, sơnăm 2025, jing sơnăm đei tơdrong ‘lơ̆ng gĭt kăl hăm teh đak bơ̆n, sơnăm đei lơ tơdrong jang chĭnh trĭ tih kơ Đảng, kơ teh đak; sơnăm jang tŏk, pran, jang đang ‘lơ̆ng”, hơdrin iŏk đei păng yak hloh dôm tơdrong hơgăt, tơlĕch ăn mă Hop akŏm ‘măng mă XIII kơ Đảng hlôi băt hơdăh, hơnhăk teh đak lui ngeh yak mơ̆t lơ̆m chăl ‘nao, chăl hơtŏk tơiung pơdrŏng pran.

Kơdră teh đak athei Binh chủng Đặc công hơnơ̆ng tơplih ‘nao, hơtŏk ‘lơ̆ng pơhrăm, mă hơdrol ‘noh hơtŏk ‘lơ̆ng pơhrăm găh tơdrong gơh hơgei lơ̆m khŭl lĭnh, ƀyoh, ki thuơ̆t Đặc công. Hơdai hăm hơnơ̆ng tơchĕng hơlen, jang pơtăl, hơtŏk tơiung tơdrong hơiă khŭl lĭnh Đặc công lăp hăm ƀiên chê̆ pơgơ̆r, phao kơtoang, tơmam đei dang ei păng trong jang hơtŏk tơiung lơ̆m dôm sơnăm truh, lăp hăm ‘meh vă, hơnăp jang, bơngai păng tơring bơ̆jang.