Kơdră teh đak pơma hơdăh, Kon pơlei Việt Nam ling lang chih răk dôm tơdrong ‘mêm, tơdrong tơgŭm kăp gĭt mă kon pơlei A-déc-bai-gian hlôi ‘măn ăn kơ Việt Nam lơ̆m prăt dôm sơnăm âu ki. Kơdră teh đak hôn bơnê kơ Anih dăr hơlen kon pơlei gĭt kăl Việt Nam păng Anih dăr hơlen gĭt kăl A-déc-bai-gian hlôi kĭ Hla ar chih tơƀlŏk jang hơdai ƀlep ƀơ̆t ‘măng năm ngôi ‘măng âu, kiơ̆ đơ̆ng noh hơtŏk ‘lơ̆ng đei yua tơdrong jang Dăr hơlen, iung jang tang găn pơm yoch, vei lăng ‘lơ̆ng hloh tơdrong pơm tơm kơ kon bơngai, tơdrong pơm tơm đơ̆ng kon pơlei, vei lăng đei yua ăn tơpôl, vei sơđơ̆ng ăn hơtŏk tơiung mŭk drăm - tơpôl đơ̆ng 2 teh đak.

Kơdră teh đak athei Anih dăr hơlen 2 teh đak jang hơdai kơjăp lơ̆m iung jang tang găn pơm yoch, mă loi ‘noh jĭ pơm yoch đei pơgơ̆r klĕch teh đak, pơm yoch kơmăy kơmŏk ‘nao păng jang hơdai lơ̆m tơdrong jang vei lăng đei yua ăn tơpôl lơ̆m tơdrong gơh jang đơ̆ng 2 păh.