Tơ̆ jơ tơƀơ̆p muh măt, Kơdră teh đak pơma hơdăh rim thây pơgang tơpă jing dôm “bơngai mĕ”, ưh khan lăp đei plei nuih ‘mêm kơ eng, jơhngơ̆m đon iơ̆m dim mă oei đei hơdrin, kĕ pŭ gleh hrat mơmat tat tôch kơ dêh, jang đang ‘lơ̆ng hơnăp jang, tơgop gĭt kăl lơ̆m tơdrong jang iung jang pơm rơngei hơdrĕch hơdrŭng, rơngei teh đak hơdrol sơ̆, kŭm nhen lơ̆m tơdrong jang pơjing păng vei lăng kơjăp teh đak Việt Nam ‘mêm kơ eng kơ lu bơ̆n hrei ‘nâu.

Lơ̆m chăl ‘nao - chăl jang tŏk, hơtŏk tơiung pơdrŏng pran păng hơnŭk hơnoa kơ hơdrĕch hơdrŭng, Kơdră teh đak athei rim tơring, rim anih jang, mă loi ‘noh jĭ anih jang pơgang kăl kơ hơnơ̆ng akŏm hơtŏk tơiung tơdrong jang pơgang lơ̆m kon pơlei; vei sơđơ̆ng ăn rim kon pơlei, mă đơ̆ng tơ̆ pơlei tơm, tơring tơrang, dăh mă tơring hơtăih hơtŏ, tơring sơlam dăh mă achon đak dơsĭ adoi đei gơh khăm hơmet jĭ ‘lơ̆ng. Kiơ̆ kơ ƀok Kơdră teh đak, jang pơgang tơ̆ tơring kăl kơ đei hơmet ming, tơmơ̆t jên răt bơ̆n kơmăy kơmŏk ‘nao, hơgei păng hơtŏk bơngai jang vă jing hơnih blŭng lơ̆m vei lăng jơhngơ̆m pran đĭ đăng kon pơlei kơtă hloi tơ̆ tơring.