Kon Tum hơtŏk tơdrong gak vei lăng unh xa bri lơ̆m pơyan phang
Thứ bảy, 09:23, 08/03/2025
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Dêh char Kon Tum hlôi mât lơ̆m pơyan tŏ phang dêh hlŏh, hơnơ̆ng đei đon pơngơ̆t hli kơ unh xa hăm kơhrĕng rơbâu ha bri.
Tơ̆ hơnăp tơdrong ‘nâu, khul jang kơpal kơ dêh char oei hơtŏk tơdrong gak vei lăng bri. Nơ̆r tơroi đơ̆ng Anih vei lăng bri ‘long dêh char Kon Tum ăn ƀôh, tơ̆ dôm apŭng: Ia H'Drai, Sa Thầy, Đăk Tô, Ngọc Hồi, Đăk Hà, Kon Rẫy, Đăk Glei, Tu Mơ Rông păng plt Kon Tum tơdrong krê kơ unh xa bri đĭ tŏk truh kơsô̆ V, kơsô̆ krê dêh hlŏh, ƀônh đei unh xa tơ̆ rim kơloăi bri.
Ƀok Nguyễn Văn Nam, Kơdră Anih vei lăng bri ‘long dêh char Kon Tum ăn tơbăt, vă tang găn unh xa bri, 14 anih jang tơ ‘ngla bri, đei 7 Công ty, 7 Anih vei lăng bri ‘long tang găn sar bar, bri kơdrơ̆ng kŭm hăm khul kơdră pơgơ̆r 10 apŭng, plt lơ̆m dêh char hlôi hơtŏk khul trư̆k; vei lăng bơngai mât lĕch lơ̆m bri păng vei lăng tơdrong iŏk yoa unh vă tang găn unh xa bri.
Viết bình luận