Lơ̆m dêh char Kon Tum hlôi pơtôch bơ̆ jang kơ 7 Đảng, Đoàn; 3 ‘nu kơdră chĕp pơgơ̆r Đảng păng pơtôch tơdrong jang kơ Hơnih Đảng Khul rim hơnih bơ̆ jang păng Hơnih mơdro sa dêh char vă pơjing Hơnih Đảng rim hơnih jang Đảng găh Hơnih bơ̆ jang Đảng dêh char păng Khul Đảng Hơnih bơ̆ jang vei lăng kon pơlei dêh char. Hăm rim hơnih bơ̆ jang, đơ̆ng 20 hơnih jang tơm găh lơ̆m Hơnih vei lăng kon pơlei dêh char, dêh char Kon Tum hlôi hơgrop oei pă 14 hơnih jang tơm, lơ̆m ou pơjing ‘nao Hơnih bơ̆ jang vei lăng Kon Kông păng Lui khop. Hơgrop Ƀăo Kon Tum hăm Radiô Rapor -Pơdăh rup Tivi dêh char krao hơnăn ‘nao Hơnih tơm Pơre nơ̆r dêh char Kon Tum. ‘Ngoăih kơ ‘noh hơmet ming 16 Khul đei Teh đak pơjao tơdrong jang lê̆ pă 10 khul. Tơ̆ tơdrong jang kơ apŭng, atŭm hăm jang kiơ̆ hơgrop Hơnih bơ̆ jang Tuyên giáo hăm Hơnih jang Pơrô̆ pơrôp kon pơlei kơ Hơnih Đảng apŭng, rim hơnih bơ̆ jang găh Hơnih vei lăng kon pơlei apŭng hơmet ming đơ̆ng 13 hơnih jang tơm jur pă 11 hơnih jang tơm.