Pơgê brei (2/6), hloh 6.800 ‘nu hŏk tro dêh char Kon Tum năm mơ̆t Pơlong mơ̆t hŏk lăm 10 hăm môn pơlong mă blŭng ‘noh Ngữ văn, jơ pơm ƀai đunh 120 pơnĭt. ‘Măng pơlong tŏk hŏk lăm 10 sơnăm hŏk 2025-2026 dêh char Kon Tum đei hloh 6.800 ‘nu hŏk tro vang năm pơlong, lơ̆m mă noh măt bơngai vă krao mơ̆t hŏk ‘noh 7.700 ‘nu hŏk tro. Vă ‘măng pơlong sơđơ̆ng ‘lơ̆ng hơ iă, ƀlep hăm tơdrong tơchơ̆t, Hơnih vei lăng Hnam trương pơtho pơhrăm dêh char Kon Tum pơgơ̆r 24 Khul lăng pơlong tơ̆ 10 apŭng, pơlei tơm; chă hơvơn hloh 1.050 ‘nu kang ƀô̆, bơngai jang lăng ,pơlong. Hơnih vei lăng Hnam trương pơtho pơhrăm dêh char Kon Tum tơbăt, tơdrong pơlong mơ̆t hŏk sơnăm ou đei dêh char pơgơ̆r hrôih hloh 1 khei vă sơđơ̆ng ăn tơdrong bơ̆ jang hơmet ming hơnih jang. ‘Măng pơlong mơ̆t hŏk lăm 10 kơ dêh char Kon Tum sơnăm ou đei trong hle. Hŏk tro pơm 3 ƀai pơlong ‘noh Ngữ văn, Toán hŏk păng môn pơlong mă pêng đei rơih iŏk đơ̆ng rim môn hŏk đei lăng hơlen kiơ̆ jơ pơtho pơhrăm jăl ƀar, sơđơ̆ng ưh kơ rơih iŏk mĭnh môn mă pêng đei iŏk yua hơnơ̆ng lơ̆m 3 sơnăm tơtil.