Kiơ̆ Jơnŭm jang vei hơlen tơdrong ming man dêh char Đồng Nai, tơdrong ming man jăl trong kơdou hrĕnh Biên Hòa - Vũng Tàu jăl 1 hơtaih 16km. Kơsô̆ jên asong ming man hloh 6.012 tih hlj iŏk đơ̆ng jên mong teh đak. Truh dang ei, kơjă tơdrong ming man jăl 1 đei pơhlom hloh 46%. Tơdrong ming man đei pơtơm đơ̆ng sơnăm 2022, hơmŏ gô keh đang ah sơnăm 2025, tơmơ̆t yua jăl trong ou lơ̆m sơnăm 2026.

Truh dang ei, tơdrong hrŭ 'mong iŏk teh ming man hlôi keh đang, tŏk bŏk oei ming man tơ̆ 35 hơnih hơvơn hloh 400 kơmăi kơmŏk, gre păng 440 bơngai jang. Ah jơ chă hơlen lăng, ƀok Hồ Đức Phớc ră hơdah, rim anih jang đei tơrĕk, anih iŏk ming man akŏm kơmăi kơmŏk, bơngai jang vă tơgenh ah khei năr tŏ 'mi kial sơđơ̆ng tơlĕch ming man keh đang hơdrol kơ năr 19/12/2025.