Tơ̆ 'măng pơma điê̆n thuăi, ƀar ƀok kơdră tơroi ăn dih băl gah tơdrong jang kơ rim Đảng, rim teh đak; pơma đam gah tơpôl đei ƀôh lơ̆m tơring păng lơ̆m apŭng plenh teh, tơdrong jang tơbôl kơ 2 Đảng, 2 teh đak păng minh ƀar tơdrong mă 2 pah atŭm tơrĕk truh; hơlen sơkơ̆t tơdrong jang đei jơnei lơ̆m tơdrong jang hơdoi khei năr ou ki păng drơ̆ng lăp hăm dôm trong jang tơm vă kơhret hloh dơ̆ng jang hơdoi 2 Đảng, 2 teh đak lơ̆m khei năr truh.

Ƀar ƀok kơdră drơ̆ng nơ̆r pơtoi hơtŏk jang tơbôl gah Đảng, jơnŭm pơgơ̆r Teh đak, hơmet đon lui gah chinh trĭ, asong khul kơpal năm tơmang kơpal păng pơtruh rim anih jang tơm, rim tơring hơpeh hơpong dih băl; iŏk yua dôm trong jang hơdoi oei đei dang ei adoi nhen dôm tơchơ̆t kơpal nai; pơtoi tơroi tơtom ăn dih băl gah dôm tơdrong đei ƀôh lơ̆m kơpal teh, lơ̆m tơring, dôm tơdrong đei tơrĕk truh 2 teh đak, tơgop hơtŏk tơbôl 2 Đảng, 2 teh đak roi năr roi hơtŏk tơ-iung lơ̆m jăl jang 'nao, pơm jang pơyua kăp gĭt ăn kon pơlei 2 teh đak.