Hăm pơkăp “Tơguăt tơguăl – Hiôk hian – Tơchơ̆t kơjăp – Pơtơm kơtang – Hơtŏk tơ-iung”, Hop akŏm jing 'măng vă tôm Đảng ƀô̆ Anih tơm Choh jang xa păng Cham char hơlen lăng dơ̆ng lơ̆m 5 sơnăm pơgơ̆r jang kiơ̆ Tơchơ̆t Hop akŏm jăl jang 2020-2025, băt hơdah dôm tơdrong jang tam mă trŏ; atŭm hăm noh tơlĕch trong pơm jang ăn jăl jang 2025-2030.

Dôm tơchơ̆t ah Hop akŏm gô tơgop atŭm hăm jơ̆p teh đak pơm jang hơtŏk tenh, kơjăp sơđơ̆ng truh sơnăm 2030 – khei năr pơm gru kơnăl 100 sơnăm tơ-iung pơjing Đảng Cộng sản Việt Nam; atŭm hăm noh pơm kiơ̆ tơdrong hơpơi 'meh tŏk pran kơtang ăh sơnăm 2045 – tơbăt 100 sơnăm tơ-iung pơjing teh đak Việt Nam Dân chủ Cộng hòa, dang ei noh teh đak Cộng hòa xã hội chủ nghĩa Việt Nam. Tơ̆ Hop akŏm, Đảng uy Jơnŭm pơgơ̆r teh đak adoi gô tơbang tơchơ̆t Ƀan châ̆p hanh, Anih juăt jang, Ƀĭ thư, Phŏ Ƀĭ thư păng Anih jang Hơlen Đảng uy  kơ Anih tơm Choh jang xa păng Cham char jăl jang 2025-2030.