17 kang ƀô̆ dêh char Kon Tum đei pơjao hla bar tơchơ̆t pơdơh hưu hơdrol kơ sơnăm pơkăp đei rơneh đơ̆ng sơnăm 1964 truh sơnăm 1971.  Lơ̆m 17 kang ƀô̆ lơ̆m Anih jang Tĭnh uy Kon Tum vei lăng pơdơh hưu hơdrol kơ sơnăm pơkăp đei ƀok Nguyễn Trung Hải, Kơdră Anih jang Tuyên yăo Tĭnh uy; Bùi Thái Trọng, Ƀĭ thư Đảng uy dôm anih jang teh đak păng anih jang mŭk drăm lơ̆m dêh char. 6 kơdră anih jang đei pơjao hla bar tơchơ̆t pơdơh hưu hơdrol kơ sơnăm pơkăp đei ƀok Ngô Việt Thành, Kơdră Anih Pơkăp păng Asong jang; Nguyễn Văn Lân,  Kơdră Anih jang Nô̆i vŭ; Nguyễn Văn Lộc, Kơdră Anih jang Mŭk drăm păng Cham char; Nguyễn Quang Hải, Kơdră Anih jang Ming man; Bùi Thanh Bình, Kơdră Anih jang Khua hŏk păng Kŏng ngê̆; A Kang, Kơdră Anih Asong jang – Linh jĭ rơka păng Tơpôl. Atŭm hăm noh đei 9 Phŏ Kơdră anih jang păng Phŏ Kơdră lăm jang kơ dêh char Kon Tum adoi đei pơjao hla bar tơchơ̆t pơdơh hưu hơdrol kơ sơnăm pơkăp.