Đơ̆ng năr 1/3, tơdrong jang ‘nao păng ƀơk ‘nao păng tơplih ƀăng vơ̆r gre đei pơjao đơ̆ng Hơnih vei lăng trong gre nơnăm dang ei ‘noh Hơnih vei lăng tơ iung pơjing ming man) ăn kơ Kŏng ang rim dêh char, pơlei tơm lơ̆m teh đak. Tơ̆ Dak Lăk, đơ̆ng rŏng hloh 20 năr tơlĕch jang, Kŏng ang dêh char hlôi sơng iŏk păng xek tơlang hloh 1.500 hla bơar ƀơk ‘nao păng tơplih ƀăng vơ̆r gre ăn kon pơlei. Tŏk bŏk khei 2/2025, Kŏng ang dêh char Dak Lăk hlôi pơrô̆ athei Hơnih jang Kanh sat vei lăng trong nơnăm, kŏng ang rim tơring, phương iung jang hơdoi hăm Hơnih vei lăng ming man pơgơ̆r pơjao, iŏk jang vei lăng gre, kmăi kmŏk tơgŭm ăn bơ̆ jang vei lăng păng pơgơ̆r pơlong vơ̆r gre ƀơk ƀăng vơ̆r gre. Adoi iung jang dăr lăng hơlen hơnih jang kmăi kmŏk tơ̆ Hơnih vei lăng ming man păng Hơnih pơgơ̆r pơlong vơ̆r gre iŏk ƀăng vơ̆r gre lơ̆m dêh char, tơlĕch jang đơ̆ng năr 1/3. Đơ̆ng rŏng hloh 20 năr iung jang, truh dang ei kŏng ang tơring, phương sơng iŏk đei 248 hla bơar hô sơ, Hơnih jang kanh sat vei lăng trong nơnăm hlôi sơng iŏk đei vă jê̆ 1.300 hla bơar hô sơ ƀơk ‘nao păng tơplih ƀăng vơ̆r gre ăn hloh 1.000 ‘nu bơngai.