Lơ̆m noh, dêh char Đắk Nông (so) đei hlŏh 900 ‘nu hŏk tro păng dêh char Bình Thuận (so) hlŏh 360 ‘nu hŏk tro. Kiơ̆ Anih vei lăng pơtho pơhrăm dêh char Lâm Đồng, dang ei dôm hnam trưng tơ̆ Đà Lạt đĭ tôm kơsô̆ hŏk tro tơ̆ rim lăm bơih. Yoa thoi noh, athei đei trong hơmet ming lăm hŏk vă sơng iŏk vă jê̆ 1.300 ‘nu tro dơ̆ng, dêh char oei tơchĕng truh trong jang đunh đai ‘nŏh man hnam trưng ‘nao, iŏk dơ̆ng thây kô pơtho./.