Mă hơdăh, pơjing Anih jang Nội vụ dêh char Lâm Đồng kiơ̆ đơ̆ng tơmât hơdai Anih vei lăng bơngai jang xa, linh jĭ rơka păng tơpôl hăm Anih jang Nội vụ dêh char; pơjing Anih jang Khoa hŏk păng kơmăy kơmŏk dêh char Lâm Đồng kiơ̆ đơ̆ng tơmât hơdai Anih jang Khoa hŏk kơmăy kơmŏk hăm Anih vei lăng tơdrong tơroi tơbăt; pơjing Anih vei lăng ming man dêh char Lâm Đồng kiơ̆ đơ̆ng tơmât hơdai Anih vei lăng trong nơnăm hăm Anih vei lăng ming man; 

Pơjing Anih vei lăng jên hu dêh char Lâm Đồng kiơ̆ đơ̆ng tơmât hơdai Anih tơlĕch nơ̆r sơkơ̆t tơmât jên jang hăm Anih vei lăng jên hu dêh char; pơjing Anih choh jang xa păng Cham char dêh char Lâm Đồng kiơ̆ đơ̆ng tơmât hơdai Anih vei lăng choh jang xa păng atŏk tơiung tơring tơrang hăm Anih vei lăng tơmam drăm char; pơjing Anih vei lăng hơdrĕch kon kông păng tơdrong lui khop dêh char kiơ̆ trong Anih vei lăng hơdrĕch kon kông iŏk jang dơ̆ng hơnăp jang, tơdỏng vei lăng teh đak găh lui khop đơ̆ng Anih jang Nội vụ dêh char. Dôm anih jang ‘nao âo gô đei bơ̆ jang iŏk đơ̆ng ‘năr 1/3/2025. Tơ̆ hop akŏm âu mơ̆n, Jơnŭm pơgơ̆r kon pơlei d/c Lâm Đồng pơgơ̆r hơlen năng, asong pơdơ̆h pơm Phŏ kơdră vei lăng kon pơlei dêh char Lâm Đồng hăm ƀok Phạm S.