Lâm Đồng pôk hơtŏk kơ chư̆k Kơdră, Phŏ Kơdră 6 anih jang ‘nao
Thứ sáu, 14:36, 21/02/2025
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Pơgê 20/2, dêh char Lâm Đồng pơgơ̆r Hop akŏm roi tơbăt tơdrong Tơchơ̆t đơ̆ng Kơdră vei lăng kon pơlei dêh char Lâm Đồng găh pôk hơtŏk dôm bơngai pơm kơchư̆k Kơdră chĕp kơ̆l 6 anih jang ‘nao kơ dêh char.
Anih vei lăng kon pơlei dêh char Lâm Đồng roi tơbăt păng pơjao tơdrong tơchơ̆t pơm Kơdră chĕp kơ̆l 6 anih jang ‘nao. Mă hơdăh, yă Phạm Thị Tường Vân đei pôk pơm Kơdră Anih jang Nội vụ; ƀok Nguyễn Văn Gia đei pôk pơm Kơdră Anih vei lăng ming man; ƀok Hoàng Sỹ Bích đei pôk pơm Kơdră Anih vei lăng choh jang xa păng cham char;
Yă Võ Thị Hảo đei pôk pơm Kơdră Anih vei lăng jang Khoa hŏk păng kơmăy kơmŏk; ƀok Tôn Thiện San đei pôk pơm Kơdră Anih vei lăng jên hu; păng yă Cil Bri đei pôk pơm Kơdră Anih vei lăng Hơdrĕch kon kông păng tơdrong lui khop. Kŭm hăm kơchư̆k pơm Kơđră chĕp kơ̆l, Anih vei lăng kon pơlei dêh char Lâm Đồng oei pơjao dôm tơdrong tơchơ̆t pôk hơtŏk bơngai pơm Phŏ kơdră 6 anih jang âu ăn 24 ‘nu bơngai.
Viết bình luận