Hla ar pơre lơ̆m jơ Pơm lêh tơbăt, roi tơƀôh dơ̆ng tơdrong juăt ‘lơ̆ng đunh kơ âu 50 sơnăm sơ̆, mưh khul linh păng kon pơlei dêh char Bình Định pơih tơdrong tơblăh iŏk rơngei thĭ xăh Quy Nhơn păng dêh char Bình Định lơ̆m tơdrong tơblăh Pơyan Puih mak sơnăm 1975. Tơdrong tơblăh jơnei ‘năr 31/3 iŏk rơngei Bình Định jĭ tơdrong tôch ‘lơ̆ng hơiă tơƀôh hơdăh jơhngâm đon ‘mêm kơ teh đak păng kơtang nuih mơng, chu lôch hŭt hơkâu, adrin jang kăch mang đơ̆ng khul linh păng kon pơlei bơ̆n.

Đơ̆ng rŏng 50 sơnăm tơblăh rơngei, Bình Định đei tơdrong jang mŭk drăm tŏk hơnơ̆ng roi xă, đơ̆ng 1 dêh char tơnuh, truh dang ei đĭ tŏk dơ̆ng mă 5/14 tơring Bắc Trung Bộ păng tơring tơter đak dơsĭ kơ Tơring Tŏk bŏk păng dơ̆ng mă 25/63 dêh char, plt lơ̆m teh đak. Truh akŏm păng pơma tơ̆ jơ pơm lêh, Kơdră chĕp kơ̆l Anih roi tơƀôh păng krao hơvơn kon pơlei Trung ương Nguyễn Trọng Nghĩa akhan, dêh char Bình Định đei lơ hơyak tŏk pran ‘lơ̆ng lơ̆m tơdrong hơmet ming trong pơm hla ar, sơng iŏk jên jang, atŏk tơiung kơmăy kơmŏk, chă tơmang lăng, pơvih pơvăn, pơtho ăn khul bơngai jang rơgei, atŏk tơiung khoa hŏk kơmăy kơmŏk, mŭk drăm kơsô̆.