Tơ̆ hop akŏm, Kơ iĕng Thủ tướng teh đak Nguyễn Hòa Bình pơma hơdăh ‘ngoăih dôm tơdrong iŏk đei jơnei, tơdrong tơlĕch jang kiơ̆ hlôi tơƀôh hơdăh bơ̆ jang hơmet ming tơdrong bơ̆ jang oei đei lơ tơdrong tim mă lăp, tim mă trŏ, hơnih mơdro sa, kon pơlei năm pơm hla bơar tim mă gan rơvơn ‘lơ̆ng hơ iă. Dôm tơdrong tim mă lăp, oei tơhlăk tơhlĭn ou, kăl tơtom hơmet pơ ‘lơ̆ng vă trŏ lăp hăm tơdrong yan ou, tĕnh koăng iung jang ‘lơ̆ng hloh dơ̆ng păng jang kiơ̆ trong jang ‘lơ̆ng jơnei ăn bơ̆ jang hơmet ming, atok tơ iung, tơgŭm ăn chăl sơnăm ‘nao, chăl sơnăm pơdrŏng pran kơtang, atŏk tơ iung kơ teh đak. Găh tơdrong jang lơ̆m khei năr kơnh, Kơ iĕng Thủ tướng Nguyễn Hòa Bình athei rim kơdră jang lơ̆m Hơnih chĕp pơgơ̆r, rim hơnih tơm, hơnih jang tơring tơrang akŏm jang kiơ̆ 11 tơdrong jang hlôi tơlĕch ăn. Lơ̆m ou lăng kơjăp jang kiơ̆ ƀlep trong tơlĕch jang đơ̆ng Đảng, Teh đak găh hơmet ming tơdrong bơ̆ jang vă tơlĕch jang kiơ̆ ‘lơ̆ng, kiơ̆ trong, ƀlep bơngai, ƀlep tơdrong păng jang keh đang ƀlep pơkăp.