Mĭnh poăt anglŏ sơnăm lăng dơ̆ng jơnei Đức Lập, hơnih pơgơ̆r blŭng a iung tơblăh Tây Nguyên
Thứ ba, 10:57, 04/03/2025
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar - Lăng truh tơbăt 50 sơnăm năr rơngei Tơring Pơbăh, Teh đak rơngei keh kong, kơsơ̆ brei (3/3), Học viện Chính trị - Bộ Quốc Phòng jang hơdoi hăm Hơnih vei lăng kon pơlei dêh char Dak Nông pơgơ̆r Hop akom Khoa hŏk “Jơnei rơngei Đức Lập - Mĭnh prăt anglŏ sơnăm lăng dơ̆ng” hăm vang năm đơ̆ng lơ bơngai joăt jang, bơngai khoa hŏk chăl sơnăm, rim bơngai ƀôh kang bang kơ̆l lơ̆m chăl sơnăm ‘noh sơ̆.
Năr 9/3/1975, hăm trong chĕp pơgơ̆r đơ̆ng Đảng, Hơnih tơm Ƀô̆ đô̆i, Khul kơdră chĕp pơgơ̆r Iung tơblăh Tây Nguyên, ƀô̆ đô̆i păng kon pơlei bơ̆n vang iung jang, iung tơblăh pơm rơngei Đức Lập. Kiơ̆ đơ̆ng dôm bơngai tang măt vang năm, 50 sơnăm hlôi tơ̆ rŏng, mă lei jơnei rơngei Đức Lập truh dang ei oei tôch gĭt kăl păng pơsư̆ ăn lơ tơdrong kăp gĭt lơ̆m tơdrong jang vei lăng năng tông Teh đak. Adoi, jơnei rơngei Đức Lập oei jing tơdrong hưch hanh hơmanh bơnê, jơhngơ̆m pran tih tên vă Đang ƀô̆, khul kơdră chĕp pơgơ̆r păng kon pơlei dêh char Dak Nông tơgoăt tơgoăl pôm nơ̆r ƀơ̆r đon, kơrŭn jơhngơ̆m yak hloh tơnap tap, tơdrong long tơ iung pơjing tơring roi năr roi atŏk tơ iung, pơdrŏng pran kơtang.
Viết bình luận