Tơ̆ jơ pơma nuh, ƀok Kơdră Sarath Abeykoon tơchĕng ‘lơ̆ng ‘măng năm ngôi đơ̆ng Phŏ Kơdră Quốc hội Nguyễn Đức Hải păng Khul tang măt ăn Quốc hội Việt Nam truh tơ̆ dêh char Trung, hơnhăk ba jơhngâm đon ‘lơ̆ng, ‘mêm băt băl kŭm nhen pơih đei lơ tơdrong ‘lơ̆ng vă jang hơdoi đơ̆ng dêh char Trung kơ teh đak Sri Lanka hăm dôm tơring kơ teh đak Việt Nam.

Phŏ Kơdră Quốc hội pơma hơdăh, tơdrong pơvei găh lui phât đơ̆ng Việt Nam păng Sri Lanka hlôi đei đơ̆ng sơ̆ bơih. Hăm tơdrong pơm hơtŏk kơjă kăp gĭt đơ̆ng tơdrong rơngei, jơhngâm ‘mêm băl, lui phât jĭ tơlei tơguăt jơhngâm đon lui yom hăm đon ‘mêm păng tơdrong pơvei đơ̆ng kon pơlei 2 teh đak Việt Nam păng Sri Lanka. Akhan, plt Kandy pơma adrô̆ păng dêh char Trung kơ teh đak Sri Lanka pơma atŭm đei lơ tơdrong ‘lơ̆ng păng lơ tơdrong lei lăi băl hăm dôm tơring tơ̆ Tŏk bŏk teh đak Việt Nam, Phŏ Kơdră Quốc hội athei Kơdră chĕp kơ̆l dêh char tơrek, tưk tơiung tơdrong jang hơdoi, kĭ pơkăp pơjing tơdrong pơvei hăm dôm dêh char tơ̆ tơring tŏk bŏk kơ teh đak Việt Nam vă tưk tơiung tơdrong pơvei găh mŭk drăm, chă tơmang lăng păng pơvei ăn kon pơlei.