Tơ̆ hơnăp Rup man ƀok Hồ hăm dôm hơdrĕch kon kông Tây Nguyên tơ̆ Cham să Đại Đoàn Kết, Phŏ kơdră teh đak Võ Thị Ánh Xuân kŭm hăm khŭl bơ̆jang hlôi dan pơkao, ‘măn 1 pơnĭt kŭp kơ̆l vă ƀlŏk hơdơ̆r păng tơƀôh jơhngơ̆m đon băt bơnê tôch kơ dêh hăm Kơdră Hồ Chí Minh-bơngai chĕp kơ̆l gơh hơgei kơ Đảng bơ̆n, Nuih mơng rơngei hơdrĕch hơdrŭng, Bơngai Lĭnh Cộng sản apŭng plĕnh teh ‘lơ̆ng hơiă.

Khŭl bơ̆jang hlôi soh plang nhang tơ̆ hơnih ƀok Hồ lơ̆m hơnih cham să. Lơ̆m jơ năr năm hơpong tơ̆ Pơsat lĭnh lôch dŏng teh đak dêh char Gia Lai, Phŏ Kơdră teh đak Võ Thị Ánh Xuân kŭm hăm khŭl bơ̆jang hlôi ‘măn pơnĭt kŭp kơ̆l, tơƀôh jơhngơ̆m kŭp yom, ƀlŏk hơdơ̆r truh kŏng jang tih tên đơ̆ng đe Lĭnh nuih mơng, lĭnh lôch dŏng teh đak.