Yak hloh 74 sơnăm pơjing păng jang đei, đơ̆ng 1 anih jang pơgang mă blŭng, truh dang ei Hnam pơgang hlôi jing hơnih jang pơgang tôch kơ hơgei, hnam pơgang hơtuch kơ tơring tŏk bŏk groi kông găh Tu, jing 1 lơ̆m 6 hnam pơgang Gĭt kăl lơ̆m teh đak; bơ̆jang ‘lơ̆ng dôm hơnăp jang khăm, hơmet jĭ, pơtho pơhrăm, tơchĕng hơlen khoa hŏk păng jang hơdai apŭng plĕnh teh.

Jô̆ păh lăp rim năr, Hnam pơgang Trung ương Thái Nguyên khăm, hơmet jĭ ăn kơ vă jê̆ 2 rơbâu ‘nu bơngai jĭ hơmet brŏk năm, 1 rơbâu 700 ‘nu bơngai jĭ hơmet ƀĭch kơtă; rim sơnăm khăm jơhngơ̆m pran ăn kơ dang 200 rơbâu ‘nu. Lơ̆m dôm sơnăm âu ki, Hnam pơgang hlôi hlôi tơmơ̆t iŏk lơ trong jang, pơcheh ki thuơ̆t, tơlĕch jang vă đĭ đăng dôm ki thuơ̆t kơ hnam pơgang Gĭt kăl păng jĭ 1 lơ̆m 15 hnam pơgang kơ lơ̆m teh đak pơm tơ ‘ngla đei dôm ki thuơ̆t hơnat păng gơh hơgei.