Phŏ Thủ tướng Bùi Thanh Sơn thơ thou hơ-iă hăm pơlei tơm Hải Phòng lơ̆m sơnăm âu ki hlôi đei iŏk jơnei ang hơdah lơ̆m hơtŏk mŭk drăm – tơpôl, hăm tơdrong hơtŏk tơdrong pơyua hloh 11%. Phŏ Thủ tướng teh đak bơ̆n hơpơi 'meh Thanh uy, Anih jang vei lăng kon pơlei, pơlei tơm Hải Phòng pơtoi iŏk yua tơnăp hloh dơ̆ng tơdrong juăt jue “Tơgŭm dih băl”, “Asong por sŏng hơbăn ao hrŭk” lơ̆m tơpôl kon pơlei; pơgơ̆r dôm tơdrong akŏm vă rim bơngai sơng Têt Nguyên đan hăm tơdrong sô̆ hơ-iă, mong răk păng sơđơ̆ng.

Ƀơ̆t 'măng âu, Anih jang vei lăng kon pơlei pơlei tơm Hải Phòng hlôi hơmet jên mong asong 5.000 tơpu tơmam, hơtŏ hăm 10 tih hlj; dôm jăl jang Kŏng đoan pơlei tơm jang atŭm iŏk yua bơngai jang hơpah jên Têt, tơgŭm Têt ăn bơngai jang đei tơdrong hơrih tơnap tap, hăm kơsô̆ jên huach hloh 1.850 tih hlj.