Phŏ Thủ tướng Bùi Thanh Sơn chơt hơ-iă hăm dôm tơdrong asong khul kơpal pơma đam hăt hot hăm lơ tơdrong jang hadoi 'nao păng tơdrong asong jang kăp gĭt đei pơma đam. Phŏ Thủ tướng pơtruh nơ̆r 2 pah hơdrin jang hadoi vă jang hơdah dôm tơchơ̆t mă đe Kơdră kơpal hlôi drơ̆ng nơ̆r, tơlĕch jang lơ̆m pơkăp Jang hadoi tôm tơdrong păng dah hrôih kĭ Pơkăp jang hadoi Mŭk drăm Tôm tong, pơjing jơhngơ̆m pran jang tơbôl 2 pah lơ̆m dôm tơdrong jang mŭk drăm, tĕch pơdro, asong jang, vei sơđơ̆ng tơpôl teh đak, kơmăi kơmŏk 'nao hơgei, tơplih kơsô̆, tơplih jơk 'lơ̆ng, choh jang xa, asong bơngai jang...

Phŏ Kơdră UAE ăn tơbăt, hlôi pơgơ̆r rim anih jang, jên mong asong jang UAE chih akŏm dôm tơdrong jang hadoi lơ̆m tôm tơdrong tơlĕch jang, lơ̆m noh hlôi pơtruh Ƀô̆ trương Asong jang UAE năm tơmang tơ̆ Việt Nam đơ̆ng năr 7 - 8/2/2025 vă pơma đam păng drơ̆ng nơ̆r gah dôm tơdrong tơlĕch jang hadoi lơ̆m khei năr truh.