Đơ̆ng sơnăm 2017 truh dang ei, 1 sơnăm Hnam kơmăy Alumin Nhân Cơ  pơm tơlĕch đei 650.000 tân quặng ‘lơ̆ng, tơgop dang 500 ti hlak jên ăn jên mong tơ̆ tơring păng chă tơdrong jang ăn hlŏh 1 rơbâu ‘nu bơngai jang. Tơchĕng adrol, đơ̆ng 2025-2029, gô hơtŏk kơsư̆k pơm tơlĕch truh 1,2 triu tân 1 sơnăm, atŭm hăm ‘nŏh, tơmât jên man Hnam kơmăy pơm tơlĕch nhôm đei kơsư̆k truh 500 triu tân 1 sơnăm.

Phó Thủ tướng Nguyễn Hòa Bình tơchĕng ‘lơ̆ng dôm tơdrong jang đei đơ̆ng grŭp jang mưh pơm tơlĕch tĕch mơdro tơmam; atŭm hăm ‘nŏh athei Grŭp jang vang jang hơdoi mă kơjăp hăm Anih vei lăng kon pơlei dêh char Đắk Nông mă loi ‘nŏh lơ̆m dôm tơdrong ƀơm truh tơ̆ teh kơ kon pơlei lơ̆m tơring đei tơdrong jang. Phó Thủ tướng oei pơma hơdăh tơdrong gĭt kăl đơ̆ng hơtŏk tơdrong pơm tơlĕch tơmam ‘lơ̆ng tơ̆ anih pơm nhôm, athei Grŭp jang hơtŏk jên jang, tưk tơiung kơjă tơmam nhôm, đơ̆ng noh vang tơgop ăn tơdrong jang atŏk tơiung pran kơjăp tơ̆ anih jang kơmăy âu.