Tơ̆ jơ tơƀơ̆p muh măt, năm ngôi păng asong tơmam Tết ăn kơ 400 ŭnh hnam teh đak tơgŭm, ŭnh hnam dơnuh hin păng kŏng nhân, bơngai jang đei tơdrong hơrih sa mơmat tat, Phŏ Thủ tướng apĭnh jet gia, thơ thâu ăn rim bơngai, rim hnam đei 1 năr Tết tơnŏ hiôk, tôm măh. Phŏ Thủ tướng pơma hơdăh, Khŭl kơdră teh đak gô akŏm tơlĕch jang hrơ̆ch dôm trong jang tơ jur dơnuh hin kơjăp, vei sơđơ̆ng tơdrong hơrih hiôk tôch ai păng dôm tơdrong pơvih pơvăn tơpôl ‘lơ̆ng, vei lăng ‘lơ̆ng tơdrong hơrih sa kơ kon pơlei; tơgŭm hơtŏk tơiung jang sa, sơđơ̆ng tơdrong hơrih sa đunh đai ăn ŭnh hnam dơnuh hin.

Phŏ Thủ tướng athei dôm anih tơm, anih jang, tơring hơnơ̆ng tơlĕch jang dôm trong jang tơgŭm găh tơ jur dơnuh hin, mă loi ‘noh jĭ 3 tơdrong jang tơm teh đak; hơdrin jang đang tŏ sĕt hloh dang 100.000 tŏ hnam ăn kơ bơngai iŏk yua tŏ sĕt, kŏng nhân lơ̆m sơnăm 2025.