Anih tơm vei lăng trong nơnăm năng gre điên jĭ kơloăi gre ‘lơ̆ng hlŏh vă tơplih ăn gre kơdâu hăm đak xăng, đak dâu. Tơ̆ hop akŏm, kơdră chĕp kơ̆l dôm Anih tơm pơma nuh găh trong tơgŭm hăm gre đei yoa ‘lơ̆ng hăm cham char, pơm anih sak điên tơ̆ tơring kơdrâm; tơgŭm ăn kon pơlei, anih jang chơ chuĕn tơplih, iŏk yoa gre điên. 

Pơma pơtôch hop akŏm, Phó Thủ tướng Trần Hồng Hà athei: Anih tơm vei lăng tơmam drăm, cham char jăh hơmet pơkĕh tơdrong hơgăt hăm kơchơ̆t ‘mê̆ đei tơlĕch đơ̆ng hơyuh gre oei kơdâu hrei ‘nâu; chih hơdăh tơdrong hơgăt dôm tơring đei kơsô̆ ‘mê̆ ‘mach hơyuh kial lơ kăl đei trong găn ƀiơ̆ gre kơdâu pơm tơlĕch 'mê̆ ‘mach, vă tơplih hăm gre điên dơ̆ng; tơchĕng hơlen trong jang tơ̆ 1,2 teh đak găh tơdrong jang hơdoi hăm dôm anih jang lơ̆m apŭng plenh teh vă iŏk đei jên bơ̆ jang tơplih trong iŏk yoa gre điên dơ̆ng.