Iung pơma kơkuh chơt hơ iă kơ ƀok Trần Cương, Kơdră jang lơ̆m Khul kơdră chĕp pơgơ̆r Trung ương Đảng Cộng sản Trung Quốc, Bí thư Đảng Tơring chĕp pơgơ̆r kơdih hơdrung Choang Quảng Tây atŭm hăm rim kơdră tang măt kơ Trung Quốc, ƀok Trần Đại Thắng, Kơdră jang lơ̆m Hơnih chĕp pơgơ̆r Trung ương Đảng Cộng sản Việt Nam, Bí thư Đảng dêh char Quảng Ninh sơkơ̆t hơdăh, Đảng păng teh đak, Kon pơlei Việt Nam lăng kơjăp tơdrong hơmet pơ ‘lơ̆ng păng atŏk tơ iung tơgoăt tơgoăl jang hơdoi gĭt kăl tôm tong Việt Nam - Trung Quốc; lăng atŏk tơ iung tơgoăt tơgoăl ‘lơ̆ng hơ iă đunh đai, jang hơdoi vang đei iŏk yua hăm Trung Quốc. Lơ̆m tơdrong pơgơ̆r, Ƀĭ thư 5 dêh char hăm Tơring chĕp pơgơ̆r kơdih gô kĭ pơkăp hla bơar Pơma đam, vang tơchơ̆t hơdăh pơlei tơm Hải Phòng đei vang mơ̆t lơ̆m tơdrong jang hơdoi Tơƀơ̆p dih băl blŭng Pơyan puih păng Hơnih bơ̆ jang hơdoi.