Tơdrong pơnam păng hơnăp jang kơtang đơ̆ng dôm kŏng nhân vei lăng cham char tơgop pơm rơgoh ‘lơ̆ng păng tơ iung pơjing pơlei tơm Đà Lạt đei jing pơlei tơm tơmang pơhiơ̆ đe ư hơnhang ang hơnhăk, pơlei tơm Festival pơkao Việt Nam, pơlei tơm tơchăr hơgei UNESCO lơ̆m tơdrong joh hơri, pơlei tơm gơh hơgei yak truh hơnih kơdrơ̆m mŭk drăm plei teh. Hôn bơnê dôm tơdrong tơgop ou, 181 ‘nu kŏng nhân đei pơlei tơm Đà Lạt pôk pơ ư. Tơ̆ pơm lêh pôk pơ ư, ƀok Nguyễn Thái Học, Ƀĭ thư Đảng pơgia dêh char Lâm Đồng pơma tơbăt jơhngơ̆m đon hôn bơnê kơtang tơdrong tơgop git kăl đơ̆ng kŏng nhân vei lăng cham char lơ̆m vei lăng năng tông pơlei tơm Đà Lạt rơgoh ‘lơ̆ng, pơjing đei măt lăng ‘lơ̆ng lơ̆m jơhngơ̆m đon tơmoi, mă kăl lơ̆m dôm năr pơgơ̆r Festival pơkao Đà Lạt ‘măng mă 10 sơnăm 2024. Adoi krao hơvơn kon pơlei vang iung jang vei lăng năng tông cham char hăm dôm trong jang hơdăh.