Lêh tơbăt 50 sơnăm Năr tơblah jơnei tơring pơbah, rơngei teh đak đei 48 khul grŭp, hăm pơhlom 13.000 ‘nu bơngai vang akŏm pơrok. Khul linh Trung Quốc, Lào păng Campuchia atŭm vang akŏm pơrok ƀơ̆t ‘măng ou.  

Lêh tơbăt đei pơgơ̆r ƀât tŏk bŏk Quận 1, Anih pơgơ̆r đei pơm găh Hơnăp Hnam hôp Thống Nhất. Khul yak pơrŏ linh năm đơ̆ng trong Lê Duẩn - Nguyễn Bỉnh Khiêm truh tơ̆ Hnam hôp Thống Nhất đơ̆ng rŏng kơ 'nŏh truh tơ̆ lơ jăl trong lơ̆m Quận 1 (plt Hồ Chí Minh) vă kon pơlei vang năng.

Lơ̆m jơ pơm lêh đei tơdrong prăh pơđông 21 tŏ ƀrâm kơnong 'moi kiơ̆ ƀai hơri Quốc ca Việt Nam. Khul linh gre păr akŏm dôm jĭt tŏ gre vơvêl Mi-8, Mi-17, gre păr tơblăh Yak-130 păng gre păr Su-30MK2 vă păr pơrŏ.

Gah tơdrong pơtơ̆p pơrok, rim khul năm đơ̆ng gah trong Lê Duẩn - Nguyễn Bỉnh Khiêm, găn chơnang lêh tơm hơnăp Hnam akŏm Thống Nhất. Đơ̆ng rŏng kơ noh, rim khul asong yak 4 pah, rok kiơ̆ lơ trong kơphô̆.

Hinh

Kơ rơbou kon pơlei đơ̆ng jơ̆p tơring năm truh anih tơm kơ pơlei tơm HCM vă gô lăng tơdrong pơdah pơrok linh

Tơdrong găn kiơ̆ 4 trong gô tơgŭm ăn lơ kon pơlei đei lăng kơtă lêh pơrok linh. Atŭm hăm noh, pơlei tơm Hồ Chí Minh hlôi pơlăp 20 tivi tih tơ̆ dôm anih ƀônh lăng tơ̆ dôm jăl trong kơphô̆ vă kon pơlei chă hơlen lăng.