Atŭm hăm tơdrong pơgơ̆r lơ pơtrŭt jang tơmơ̆t jên jang, mơdro sa, tơgoăt mơdro sa, tơƀôh tơbăt dôm tơdrong đei, tơdrong gơ̆h jang păng rim tơmam drăm choh jang sa kăl kơ rim tơring truh hăm bôl boăl lơ̆m teh đak păng teh đak đe, tơdrong jang hơdoi ƀar păh pơlei tơm Hồ Chí Minh hăm 5 dêh char Tây Nguyên hlôi đei tơlĕch jang kiơ̆ kơtang, hăm 23 tơdrong jang hơdoi hlôi đei tơlĕch jang kiơ̆ kơtang. Lơ̆m ou, hơdrô̆ pơtrŭt tơmơ̆t jên jang kơ yuơ pơlei tơm Hồ Chí Minh pơgơ̆r lơ̆m khei 4/2024 hlôi tơgŭm ăn 5 dêh char Tây Nguyên krao hơvơn đei tơmơ̆t jên jang lơ̆m 558 tơdrong vă jang hăm akŏp kon jên hloh 300.000 ti hlak jên; Lơ hla bơar ƀlŏk hơdơ̆r jang hơdoi lơ̆m tơdrong jang pơgang, tơdrong hơrih sa tơpôl jei đei kĭ pơkăp păng roi năr tơlĕch jang iŏk đei jơnei. Hop akŏm hlôi pơma dơnuh rim tơdrong găh tơmơ̆t jên jang tĕch mơdro, atŏk tơ iung tơring ‘long pơtăm kơjăp ‘lơ̆ng, sơđơ̆ng păng tơdrong gơ̆h jang hơdoi lơ̆m choh jang sa; tơ iung pơjing tơgoăt choh jang sa rong ka hơdang, choh jang sa kmăi kmŏk hơgei atŭm hăm tơmang pơhiơ̆ cham char; atŏk kơtang tơdrong jang hơdoi dăr lăng tơdrong 'lơ̆ng tơmam drăm ƀar păh Pơlei tơm Hồ Chí Minh hăm rim dêh char Tây Nguyên...