Pơgơ̆r lơ̆m 3 năr, tơ̆ 'măng hop akŏm âu, Anih pơm jang kơ Kuôk hô̆i hơlen, tơgop nơ̆r lơ̆m lơ tơdrong vă 'măn ăn tơdrong pơkăp jơnŭm pơgơ̆r jang. Gah tơdrong chih akŏm khôi luơ̆t, tơ̆ 'măng hop akŏm âu,  Anih pơm jang kơ Kuôk hô̆i tơgop nơ̆r gah chih akŏm Luơ̆t pơgơ̆r jang kơ Jơnŭm pơgơ̆r teh đak (hơmet tơplih); chih akŏm Tơchơ̆t kơ Kuôk hô̆i gah pơgơ̆r jang kơ Jơnŭm pơgơ̆r teh đak jăl jang Kuôk hô̆i jăl 15; chih akŏm Tơchơ̆t kơ Kuôk hô̆i gah kơsô̆ bơngai jang lơ̆m Jơnŭm pơgơ̆r teh đak jăl jang kơ Kuôk hô̆i jăl 15; chih akŏm Luơ̆t Pơgơ̆r jang kơ jơnŭm pơgơ̆r tơring (hơmet tơplih); chih akŏm Luơ̆t iŏk yua pơkăp đơ̆ng khôi luơ̆t (hơmet tơplih); chih akŏm Tơchơ̆t kơ Kuôk hô̆i sek tơlang dôm tơdrong đei ƀôh lơ̆m dôm tơchơ̆t kơ khôi luơ̆t tơrĕk truh pơkăp jơnŭm pơgơ̆r jang; chih akŏm Luơ̆t hơmet ming minh ƀar tơdrong kơ Luơ̆t pơgơ̆r jang kơ Kuôk hô̆i...

Anih pơm jang kơ Kuôk hô̆i adoi hơlen tơchơ̆t pơkăp đơ̆ng Kơdră Anih tơm jang hơlen pơkăp tơdrong glăi lơ̆m tơpôl gah pơkăp jơnŭm pơgơ̆r jang kơ Anih tơm jang hơlen pơkăp tơdrong glăi lơ̆m tơpôl; Tơchơ̆t gah dôm tơdrong păng asong jên jang kơ teh đak jăl sơnăm 2026-2030. Ah hop akŏm, Anih tơm jang hơlen pơkăp tơdrong glăi lơ̆m tơpôl adoi tơgop nơ̆r gah tơdrong asong bơngai jang kiơ̆ sơnong jang kơdih.