Tang măt ăn Khul kơdră chĕp pơgơ̆r Đảng, Hơnih tơm chĕp pơgơ̆r Quân khu 7, Thiếu tướng Trần Vinh Ngọc, Kơ iĕng Kơdră chĕp pơgơ̆r Đảng Quân khu tơroi tơbăt ăn rim bơngai tang măt găh tơdrong lơ̆m apŭng plĕnh teh, lơ̆m tơring păng lơ̆m teh đak; dôm tơdrong iŏk đei jơnei hơ iă lơ̆m bơ̆ jang ƀô̆ đô̆i, vei lăng teh đak, tơ iung pơjing Đảng ƀô̆ păng khul ƀô̆ đô̆i Quân khu lơ̆m sơnăm 2024, mĭnh ƀar tơdrong jang tơm lơ̆m sơnăm 2025. Kơdră chĕp pơgơ̆r Hơnih tơm chĕp pơgơ̆r Quân khu 7 ‘meh vă, khei năr kơnh rim kang ƀô̆ kơpal ƀô̆ đô̆i pơdơ̆h jang, pơdơ̆h bơ̆ jang hơnơ̆ng lăng ba chă hơlen, tơgop nơ̆r lơ̆m tơ iung pơjing tơdrong jang vei lăng năng tông sơđơ̆ng teh đak, tơ iung pơjing Khul Ƀô̆ đô̆i Quân khu pran kơjăp iăp kơtang tôm tong, bơ̆ jang ‘lơ̆ng tơdrong jang vei lăng teh đak, tơ iung pơjing păng vei lăng năng tông teh đak.