Đơ̆ng rŏng jang kiơ̆ tơdrong Tơchơ̆t kơsô̆ 57, yak blŭng đon hlôh vao đơ̆ng kang ƀô̆, đảng viên păng kon pơlei găh hơnăp jang, tơdrong gĭt kăl đơ̆ng khoa hŏk păng kơmăy kơmŏk, tơplih ‘nao pơcheh hơgei păng tơplih kơsô̆ đei hơtŏk ‘lơ̆ng. Găh jang kiơ̆ Hla ar tơchơ̆t kơsô̆ 123, găh vei sơđơ̆ng jang tŏk 8% tơ̆ kơpal lơ̆m sơnăm 2025, Lâm Đồng hlôi tơlĕch ăn lơ hla ar athei akŏm bơ̆jang kiơ̆ dôm hơnăp jang, trong jang tŏk pran vă hơdrin hơtŏk mŭk drăm tk hrĕnh lơ̆m sơnăm 2025 âu tŏk đơ̆ng 9,0-10%.

Pơma tơ̆ hop akŏm, Phŏ Thủ tướng Nguyễn Hòa Bình ƀôh hơdăh đon hơdrin, jang tơnăp, tơdrong pơgơ̆r, vei lăng, tơdrong 1 jơhngơ̆m đon lơ̆m bơ̆jang kiơ̆ dôm trong jang tih đơ̆ng đảng đơ̆ng dêh char Lâm Đồng.  Hơdai hăm, athei Khŭl chĕp kơ̆l pơgơ̆r Anih jang Đảng dêh char Lâm Đồng chih iŏk dôm nơ̆r tơgop tơ̆ Hop akŏm. Tơroi tơdrong bơngơ̆t tơtăm găh tơdrong khŭl jang đĭ pơm tŏ sĕt bơngai jang mă lei bơngai oei kơtă ‘noh ưh kơ hơgei, dôm bơngai ưh kơ jang đei tơdrong, Phŏ Thủ tướng Nguyễn Hòa Bình pơm ahơdăh kơdră đảng păng bơngai chĕp kơ̆l athei pŭ hơnăp jang găh tơdrong ‘nâu.