Khul yoa ƀok Trần Việt Trường, Phŏ Kơdră Anih Trung ương Mặt trận Tổ quốc Việt Nam pơm phŏ khul roi tơbăt vă dăr hơlen găh 4 tơdrong ƀơm truh tơdrong jang kiơ̆ tơdrong tơchơ̆t kơsô̆ 18, Nơ̆r pơtho kơsô̆ 121 găh tơplih ‘nao hơmet ming khul kơdră pơgơ̆r; Nơ̆r tơchơ̆t kơsô̆ 35 găh Hop akŏm đảng ƀô̆ jơ̆p tơring; Tơdrong tơchơ̆t kơsô̆ 57 găh  atŏk tơiung khoa hŏk, kơmăy kơmŏk păng tơplih hăm kơmăy sô̆ păng Nơ̆r tơchơ̆t kơsô̆ 123 găh atŏk tơiung mŭk drăm, tơpôl sơnăm 2025 hăm đon pơhnŏng adrin jang tŏk đơ̆ng 8% tŏk tơ̆ kơpal.

Khei ‘năr âu ki, dêh char Đắk Lắk tơlĕch lơ trong jang kăt tơjur khul bơngai jang, tơjur đei 6 anih jang kơpal, 35 lăm jang tơ̆ apŭng păng 283 pơlei pơla. Dêh char oei hơtŏk tơdrong hơmet ming trong pơm hla ar, tơmât yoa kơmăy kơmŏk roi tơbăt păng tơplih hăm kơmăy sô̆ vă pơjing tơdrong hiôk hian ăn tơdrong jang tŏk. Hăm đon pơhnŏng jang tŏk mŭk drăm truh 8% sơnăm 2025, Đắk Lắk oei hơlen năng khul bơngai jang, jên tơmam vă bơ̆ jang, hơmet pơ ‘lơ̆ng dôm tơdrong oei tơhlăk păng hơmet ming tơdrong hơgăt jang mŭk drăm, tơpôl.