Kăl pơjing trong jang ayơ vă sơđơ̆ng rim hơnih mơdro sa iŏk jang vei lăng, iŏk yua kon jên teh đak đei jơnei, hoei tơhoach pă tơdrong tơdrơ̆r ‘noh jing tơdrong đei rim kơdră tang măt lăng truh. Tơdrong vă pơjing Khôi luơ̆t Vei lăng păng Tơmơ̆t jên jang teh đak tơ̆ Hơnih mơdro sa sơkơ̆t hơdăh trong jang: Teh đak ‘noh mĭnh hơnih tơmơ̆t jên jang tơ̆ hơnih mơdro sa, ưh kơ đei vang pơrô̆ jang lơ̆m tơdrong bơ̆ jang păng chĕp pơgơ̆r kơ hơnih mơdro sa, sơđơ̆ng ăn rim sơnong jang kơ bơngai vang tơmơ̆t jên jang, tơgop jên jang. Trong vă pơjing Khôi luơ̆t đei pơjing vă mĭnh păh pơm hơtŏk sơđơ̆ng jơnei lơ̆m vei lăng kon jên tơmơ̆t jang kơ teh đak mĭnh păh pơjing trong tơchơ̆t kơjăp ‘lơ̆ng vă hơnih mơdro sa đei kon jên jang teh đak iung jang kiơ̆ trong jang mơdro sa, pơjei dih băl hơtŏ hơnơ̆ng păng atŏk tơ iung kơjăp ‘lơ̆ng, tơgop gĭt kăl lơ̆m jang kiơ̆ rim tơdrong jang kăl kơ teh đak jăl jang 2021-2030.