Kiơ̆ tơbăt, sơnăm 2024, mă đơ̆ng tơƀơ̆p lơ tơdrong tơnap tap, mă lei dêh char Dak Nông hlôi iŏk đei jơnei hơ iă lơ̆m atŏk tơ iung mŭk drăm tơpôl. Tơlĕch kon jên tơmơ̆t jang teh đak kơ Dak Nông dơ̆ng hơlou lơ̆m tơring Tây Nguyên, hăm jơnei 90% lơ̆m akŏp 3.500 ti hlak jên. Tơjur dơnuh hơnơ̆ng vei kơjăp khul dơ̆ng hơlou lơ̆m teh đak, dang ei pă dang 3% ŭnh hnam dơnuh. Đei plei, kơjă măt rim ‘long pơtăm tơm nhen chehphe, tiu, sâu riêng tơgŭm ăn jang sa iŏk đei jô̆ hơtŏ măt bơngai lơ hloh đơ̆ng sơ̆ truh dang ei, dang ei hlôi đei 81 triu 600.000 hlak jên lơ̆m 1 ‘nu, 1 sơnăm, dơ̆ng mă ƀar tơring Tây Nguyên (đơ̆ng rŏng Lâm Đồng). Ƀok Hồ Văn Mười, Kơdră chĕp pơgơ̆r Hơnih vei lăng kon pơlei dêh char Dak Nông tơbăt, sơnăm 2025 gô tơlĕch jang ming man đơ̆ng 1-4 hnam kmăi pơm tơlĕch bô xít- alumin- nhôm, kơjă kơjên pơm hnam kơmăi vă truh 1 ti USD. Hăm kon jên tơmơ̆t jang dang 8 ti dolar Mi, gô pơjing rơvơn ăn dêh char Dak Nông atŏk tơ iung kơtang hloh dơ̆ng lơ̆m hơnô̆ hơnăp kơnh.