Tơdrong akŏm âu krao kơđeh noh “Tick jơk tơnăp sơnong jang” kơyuơ pơlei tơm Hồ Chí Minh pơtơm đơ̆ng khei 3/2024. Tơchơ̆t pơtăm tơmam drăm sơđơ̆ng 'lơ̆ng, kiơ̆ tơdrong tơroi đơ̆ng tơring tĕch răt hăm pơkăp kơdih pơm jang, tơnăp hơdah tơpăt. Hop akŏm sơkơ̆t hơdah, tơdrong jang hlôi đei iŏk tơgŭm, hmach bơnê đơ̆ng anih pơm jang iŏk yua kiơ̆ pơkăp hơlen tơdrong 'lơ̆ng tơmam drăm pơtăm đei, păng lăng âu jĭ trong hiôk vă hơtŏk tơring tĕch răt, hơtŏk tơdrong tơgar jang.

Truh dang ei, tơdrong jang hlôi đei 8 anih tĕch, siu thĭ tĕch tơmam lơ̆m jơ̆p teh đak drơ̆ng nơ̆r, pơm jang hăm sơnong jĭ anih pơtruh tơmam drăm lơ̆m pơkăp vang jang. Ƀơ̆t 'măng âu, pơlei tơm Hồ Chí Minh, dôm dêh char Tây Nguyên păng 8 anih tĕch tơmam hlôi kĭ pơkăp jang hadoi hơlen tơdrong 'lơ̆ng tơmam drăm. Lơ̆m noh, dôm dêh char Tây Nguyên đei sơnong chă tơgŭm ăn dôm anih jang mŭk drăm vang jang “Tick jơk tơnăp sơnong jang”, asong tơmam drăm 'lơ̆ng ăn dôm anih chă tĕch tơlĕch.